ජන ඝාතක යුද්ධය නවත්වව්. පලස්තීන රාජ්‍ය පිලිගනිව්. සියලු පක්ෂ එක්වේ.
ජන ඝාතක පලස්තීන යුද්ධය නවතන ලෙසත්, රාජ්‍ය දෙකක විසදුම මගින් පලස්තීන වැසියන්ගේ අයිතීන් සුරකින ලෙසත් ලෝක ජනමතය සමග එක්වීම සදහා ශ්‍රී ලංකාවේ සියලු පක්ෂ එක්සත්ව ගොඩනගා ගෙන ඇති පලස්තීනය රැකගැනීමේ ජාතික ව්‍යාපාරයේ පළමු උද්ඝෝෂණය අද දින (අගෝ 14) කොළඹ 07 එක්සත් ජාතින්ගේ සංවිධානය ඉදිරිපිටදී සිදු කරන ලදි.
ඉන්පසුව සියලු පක්ෂ නියෝජනය කරමින් එක්සක් ජාතීන්ගේ මහා ලේකම් වෙත යැවීම සදහා සකස්කල ලිපිය ලංකාවේ නිල නියෝජිත වෙත භාරදීම පක්ෂ නායකයින් විසින් සිදු කලේය. ඉදිරියේදී මෙවැනි උද්ඝෝෂණ රටපුරා සංවිධානය කරන බව ජනමාධ්‍ය ඉදිරියේ පක්ෂ නායකයින් පුකාශ කරන ලදි.
