ප්‍ර.වා.පෙ. සභාපති – තිලකසිරි
පළාත් සභා මැතිවරණය 2026 පෙබරවාරි – අප්‍රේල් අතර පැවැත්වීමට බොහෝසේ ඉඩකඩ පවතින බව ප්‍ර.වා.පෙ. සභාපති තිලකසිරි සහෝදරයා මැතිවරණ නිරීක්ෂණ පැෆරල් සංවිධානය පසුගිය 22වෙනි දින කොළඹදී පැවැත්වූ පක්ෂ හා නිරික්ෂණ සංවිධාන නියෝජිත සාකච්ඡාවකදී ප්‍රකාශ කරන ලදි. මෙම සාකච්ඡාවට මැතිවරණ කොමසාරිස් ජනරාල් සමන් රත්නායක මහතා ද මැදිහත් වූ අතර, මැතිවරණ දින නියම කිරීම නීති මගින් මැතිවරණ කොමිෂමට පැවරී නැති නිසා දින තීන්දු කිරීම රජය විසින් සිදු කළ යුතු බවද දන්වා සිටින ලදි. එහෙත් ඕනෑම විටක මැතිවරණ පැවැත්වීමට කොමිෂම බැදී සිටින බැවින් ලබන වසර ඒ සදහා ඉඩකඩ පවතින බවත්, නීති සංශෝධනයට අවශ්‍ය කරුනු නීතිපති වෙත යොමු කර ඇති අතර, ලබන ජනවාරි වන විට පාර්ලිමේන්තුවට එම සංශෝධන පැමිනිය හැකි බවටද අදහස් දැක්වුනි. . මීට අමතරව ආණ්ඩුව වෙත පළාත් සභා මැතිවරණය පැවැත්වීම පිලිබදව ඉන්දියාව හා බටහිර බලපෑම තදින් එල්ලවෙමින් පැවතීමද මග නොහැරිය හැකි .
පලාත් සභා මැතිවරණය පැවැත්වීමට නීති සංශෝධන ඇතුලත් කල යුතුව පවති. මෙහිදී දිස්ත්‍රික් මනාප ක්‍රමයට පවත්වනවාද, එසේ නොමැතිනම් කොට්ඨාශ අනුපාත ක්‍රමයට පවත්වනවාද යන තීරණය රජය විසින් ගත යුතුව ඇත. කොට්ඨාශ අනුපාත ක්‍රමයට මැතිවරණය පවත්වනවා නම් නැවත සීමා නීර්ණයක් කල යුතු බැවින් ඉහත දිනවකවානු වලදී මෙම මැතිවරණය පැවත්විය නොහැකි වන බවත්, එය රජය මැතිවරණය මගහැරීමට තබන පියවරක් බවද එක්සත් සමාජවාදී පක්ෂයේ සිරිතුංග ජයසුරිය සහෝදරයා නියෝජිතයින් වෙත පෙන්නුම් කර දුන්නේය. එනිසා බොහෝ විට පැරණි ක්‍රමය මත මැතිවරණය පැවැත්වීම මේ මොහොතේ සිදු විය යුතු සියලු දෙනාගේ එකගත්වයක් පැවතුනි..
මෙවර මැතිවරණයේදී අනිවාර්යයෙන්ම කාන්තා නියෝජනය ඇතුලත් කළ යුතු බවට කොළඹ නගර සභා පොදුජන පෙරමුණ මන්ත්‍රිණි අංජලී දීපා එදිරිසිංහ මැතිතුමිය ඇතුලු කාන්තා නියෝජිතයින් සියලු දෙනාම දන්වා සිටි අතර එය මැතිවරණ කොමිෂම පිලිගත් ප්‍රතිපත්තියක් නිසා නීති සංශෝධනවලට ඇතුලත්ව ඇති බව ද ප්‍රකාශයට පත්විය.
පසුගිය අරගල සමයත් සමගය මැදිමාවත අහෝසි වී ගොස් එය දක්ෂිනාංශික බලවෙගවල කොටසක් බවට පත්වී ඇති බව ජනාධිපතිවරණය, මහමැතිවරණය හා පළාත් පාලන මැතිවරණවලදී පැහැදිලි ලෙස පෙන්නුම් කරන ලදි. එබැවින් ජනතාවගේ ගාමනය වාමගාමී විකල්ප දිසාවක ගමන් කරන බැවින් වමෙන් ඉදිරියට යන මාවතක ගමන් කළ යුතු බව පක්ෂ නායක වාසුදේව සහෝදරයා පසුගිය 25 ජනමාධ්‍ය සාකච්ඡාවේදී නැවතත් ප්‍රකාශයට පත් කර ඇති අතර සියලු වාමගාමී දහරාවල පිරිස් එක්වී මෙවර පළාත් පාලන මැතිවරණයට ගමන් කල යුතු බවද අවධාරණය කෙරුනි.
සමාජවාදී පෙරමුණ ලෙස ඉදිරියට යාමට ඇති හැකියාව සාකච්ඡා කෙරුණු අතර එයට නීතිමය ගැටලු මතුවන්නේ නම් එම පෙරමුනේ පක්ෂ විසින් දිස්ත්‍රික් බෙදාගෙන තරග කිරීම වඩාත් සුදුසු බව ප්‍රජාතන්ත්‍රවාදී වාමාංශික පෙරමුනේ අදහස බව සැප් 26 දින පැවති සමාජවාදී ජනතා පෙරමුනේ සාකච්ඡාවට සම්බන්ධ වෙමින් පක්ෂ නියෝජිත මහානාම සහෝදරයා විසින් සාකච්ඡාවට යොමු කරන ලදි. එනිසා ප්‍රවාපෙ පදනම් ප්‍රදේශවල අනෙක් වාමාංශික නියෝජිතයින්ටද ඇතුලත්වීමට ඉඩතබමින් ප්‍ර.වා.පෙ. පක්ෂ ලකුනින් අපේක්ෂක ලැයිස්තු දැමීම සදහා සමාජවාදී පෙරමුණ සමග එකගතාවය සකසා ගැනීම ගැනද ඉදිරියේදී සාකච්ඡාවීමට නියමිතය.
විශේෂයෙන්ම උතුරු, නැගෙනහිර, හා මැද පලාත දිස්ත්‍රික්කවල වාමාංශික ඡන්ද ගමන් කරන ආකාරය සලකා බලමින් එම තීරණ ප්‍රදේශගතව ගැනීමට ඉඩ තබා ගැනීම ගැන ප්‍ර.වා.ප. පක්ෂයේ එකගතාවය පවතින බව ද අනෙකුත් දිස්ත්‍රික්කවල වාමාංශික පක්ෂ ඒකාබද්ධව ගතයුතු පියවර ඉදිරි සමාජවාදී ජනතා පෙරමුනේ සාකච්ඡාවකදී තීරණය කරනු ලබන බවද වාර්තාවේ.
