මෙම කලාපයේ සිට ශක්තිය අන්තර්ජාල පුවත්පතක් ලෙස එලිදැක්වීමට අපි තීරණය කලෙමු. කෝවිඩ් උවදුරෙන් පසුව ලෝක සැපයුම්දාමය බි‍්දවැටීමත් සමග කඩදාසි මිලගනින් සිව් ගුණයකින් පමණ මිල ඉහල ගියේය. එහෙත් අප ශක්තිය පුවත්පත වරින් වර මුද්‍රණය කරමින් හැකි අයුරින් බෙදා හැරීම පසුගිය දෙවසර තුල සිදු කරන ලදි.
මේ වනවිට පුවත් පත් කියවීමේ උනන්දුව නව පරපුර අත්හරිමින් පැවතීමද, බොහෝ දෙනා පුවත්පත් මිලට ගැනීමට වඩා සමාජ මාධ්‍ය මගින් තොරතුරු සංනිවේදනය කර ගන්නා බැවින් වානිජ මට්ටමින් පවතින පුවත්පත් කීපයක් වැසී ගොස් ඇත. තවත් දිනපතා පුවත්පත්වල මුද්‍රණ ප්‍රමාණය සීඝ්‍ර ලෙස පහත වැටී අතර ඒවාද පාඩු ලබන තත්වයෙන් පවත්වා ගෙන යන බව වාර්තාවේ.
මෙම තත්වය සැලකිල්ලට ගත් අප ශක්තිය පුවත්පතේ අදහස් මාලාව එලෙසම අන්තර්ජාල පුවත් පතක් ලෙස එලිදැක්වීම සදහා කටයුතු සංවිධානය කරමින් තිබේ. අලුත් වන ලෝකයත්, නව තාක්ෂණික මහිමයත්, ඒ දෙසට ඇති නැඹුරුවත් සමග අප දරන අදහස් මාලාවන්ද සමාජගත කිරීමේ නව මාවතට එළඹිය යුතුව ඇත. එහි ඇති අඩුපාඩු හා දියුණු කල යුතු කරුණු කතෘ මණ්ඩලය වෙත දැනුම් දෙන මෙන් ඉල්ලමු.
ජීවීඩී.තිලකසිරි
ප්‍රධාන කතෘ.
2025-08-1 1
